هل فعلا دانزو مستخدم للشارين......

السلام عليكم جميعاً
أحبتي مشاهدي ومحبي ومجانين نارتوا هههههههه
اليوم جايب لكم أضخم تقرير واعتقد انه أقوى تقرير عن توبي ودانزو وان شاء الله حيكون هذا التقرير هو البرهان على حقيقة الاثنين في الانمي واتمنى من كل قلبي انه يعجبكم لاني بصراحة تعبت علشان أجمع التقرير والصور خصوصا لمن شفت انه في ناس مشككة في حقائق بعض ابطال الانمي والبعض الاخر صار يغير رايه بعد كل تقرير واتمنى من كل قلبي انه تقريري هذا يكون موفق باذن الله
طيب دحين نبدأ أولا بالناس اللي يعتقدوا انه دانزو هو اوبيتو ..
طبعاً بعد الحلقة الخاصة واللي شفناها تحكي قصة فريق يوندامي ( كاكاشي – اوبيتو – رين ) انا أسميها الحلقة الرائعة
كان واضح جداً لأي متابع انه جسم اوبيتوا أنهار وأتكسر تماماً طبعأ الجهة اليمنى منه وأما الجهه اليسرى كانت سليمة عدا بعض الرضوخ ولكن الأهم كانت عين الشارينغان اللتي أهداها اوبيتو لكاكاشي كهدية عندما علم حقيقة التضحية من أجل الأصدقاء ... حتى لو كانت على حساب القوانين واللوائح الخاصة بالشينوبي ( النينجا )
المهم في القصة أولا لكل ملاحظ ومتابع هو صغر عمر اوبيتو وكاكاشي بالنسبة لدانزو والصور واضحة جدا فرضن لو قلنا انه دانزو هو اوبيتو مستحيل يخفى هذا على أحد .... بالشكل يا أخوان لو الواحد طالع في شباب كاكاشي وفي كهولة دانزو رايح يعرف الفرق الواضح في السن والأهم من كده انه لو كان فعلا هو اوبيتو أول واحد رايح يعرف الشي هذا هو كاكاشي والشي الأهم من هذا أنه رين سحبت العين اليسرى بالكامل وليس قوة الشارينغان فقط والحلقة الخاصة بتوضح هذا الأمر ..
بمعنى أنه فقد البصر من خلال هذي العملية زي ما حصل مع مادار لمن أخذ عين أخوه اللي شاف قصة مادارا رايح يتذكر انهم جايبين صورة أخوه معصوب العين وهذا يعني انه صار أعمى يعني ما يقدر يشوف بالمرة ...
واما دانزو يقدر يشوف بعينه اليمنى عكس اوبيتو اللي فقد العين اليسرى لمن أهدى الشارينغان لكاكاشي والعين اليمين راحت مع طيحة الحجر عليه وبكده انتهت القصة بين دانزو واوبيتو ...
لان دانزو أخذ العين اليمنى من جثة شيسوي بعد ما قتله ايتاشي ولكنه ما استطاع يأخذ الاثنين لانه ما يقدر يتحمل قوتها ... وأيضا تغطية دانزو للعين اليمنى تشبه تغطية كاكاشي للعين اليسرى لو لاحظتم لان الاثنين ليسوا من عشيرة الاوتشيها ويمكن عين كاكاشي أقوى لانه أخذها أثناء حياة اوبيتوا واما دانزو أخذها بمقتل صاحبها ... والصورة هذي توضح احد الاشخاص اللي قاتلوا شيسوي وعرف قوة عين شيسوي واستقرفي ذهنه اول ما شاف دانزوا عرف اه أخذ العين من شيسوي


بعد هذا الكلام أعتقد انه كل شي واضح تماماً بين الشخصيتين دانزوا بعيد كل البعد انه يكون اوبيتوا لان أوبيتوا مات وتم دفنه بعد المهمة لانه في نهاية الحلقة صورة قبره كانت واضحة جدا ومن المعلوم انه أي شخصية في الانيمي لابد تكون حية علشان تقدر تأخذ منها القوة الخاصة فيها ...
وما أعتقد انه دانزو جا مثلا بعد موت اوبيتو وأخذ العين اليمنى لان هذا يحتاج لدليل وكمان لاتنسى الأمر المهم انه لازم يكون حي ...
طيب نرجع الان للأهم وهو توبي وانا بصراحة شايف الكثير تفكيره أصبح مشوش بكثرة التقارير اللي يشوفها ويسمعها من خلال المنتديات وانا باذن الله رايح اوضح الصورة هنا علشان الكل يكون منتبه من الان
أرجع وأقول انه توبي هو شخصية مادرا الحقيقية لانه أختار التخفي بعد هزيمته في وادي النهاية من الهوكاجي الاول وانا الان رايح اقدم لك يا عزيزي القاريء بعض الأدلة على أن توبي هو مادارا وكمان رايح اوضح امر مهم أخر أرجو انك تركز معايا مزبوط لان في بعض الناس يعتقد ان دانزو له علاقة بتوبي او مادارا وطبعاً هذا الكلام غير صحيح كل واحد من توبي ودانزو له شخصية بعيدة عن الأخرى كل واحد منهم له هدف معين في نفسه دانزو يبغى يصير الهوكاجي وتوبي مادارا يبغى ينتقم من كونوها ...
الان نبدأ باالصور المهمة أولا كيف انا فهمت انه توبي هو مادارا نجي أولا من هذي الصورة






هذا أول هجوم على توبي من ساسكي وأعتقد صورة أختراق السيف لجسم توبي واضحة جدا لمن كان واقف قدام ديدارا
وطبعاً ساسكي هنا استغرب من عدم تأثر توبي بهذا الشي اللي حصل مع العلم انه ساسكي دقيق جدا في ضرباته طيب هذا كان اول احتكاك فعلي بين ساسكي وتوبي بعد كده نجي للمقابلة الثانية توبي كان مراقبهم وقوة التشاكرا اللي عنده كانت كبيرة جدا حتى كارين ما قدرت توضح حجم ومكان قدوم التشاكرا وقبل هذا لاحظ أولا كيف كان توبي يراقبهم وكيف انقسم وحتى ساسكي ما عرف وانذهل بهذي القوة العجيبة ...













وبعد ما اعترض طريقهم توبي على طول ساسكي هاجمه بسرعة خيالية جدا






لاحظ دهشة ساسكي الان بعد ما أخترق توبي في هذي الصورة







شايف كلامي كيف واضح وسهل يعني ساسكي كمان وضح لك انه أخترقه مرتين بس ساسكي مستغرب من القوة اللي عند توبي ..
بعدها توبي واجه نارتوا والشلة الحلوة طبعاً نارتوا شخصيته زي شخصيتي هههههههههه ما يحب الاتظار على طول هجم على توبي بنسخة ظل من الخلف بس كانت النتيجة زي ما حصل مع ساسكي









وطبعاً كلهم أندهشو من قوة توبي بس نارتوا بعد هذي المواجهة حط توبي في راسه لانه لمن قاتل باين في الحلقات اللي اللي ما نزلت فيديو وموجودة على الشابتر وحاول الكيوبي كسر الختم مع نارتوا ظهر يوندامي والد نارتوا وأخبره انه صاحب القناع هو ورا المصائب هذي كلها










وبعد هذا شوف كلام كاكاشي





أعتقد انه بعد هذا وضحت الصورة تماماً بس باقي شي مهم شخصية دانزو طيب سبق واني أعطيت شي بسيط عنها ولكن الان سوف ارفق لكم الصور بناءا على ما حصل في الشابتر وكمان على كلام أبطال الانمي
وانا كما ذكرت لكم سابقا انه دانزو له أطماع أنه يحتل منصب الهوكاجي مهما كلف الأمر والدليل على هذا تحالفه مع هانزوا اللي كان يبغى يحمي كرسيه





وهذا موجود في الشابتر 446 أرجع له لو تبغى تتأكد ..
طيب خلينا نشوف هذي الصورة كمان





واللي أهم من كده زوجتسو الجاسوس اللي يراقب المعارك لمن جا أخبر توبي بان دانزو أصبح الهوكاجي على طول توبي ( مادارا ) قال انه كان متوقع ذلك ... يعني بالله عليكم لو كانت شخصيتهم واحده ( أقصد مادارا ودانزو ) ما اعتقد انه يقول كلام زي هذا لواحد زي زوجتسو يعرف حقيقة مادارا ....
طبعا طلع هذا الكلام بعد ما قتل ساسكي أخوه ايتاشي والتقى فيه توبي وجلس يحكي له على تضحية أخوه ايتاشي من أجله علشان يخليه أقوى منه وأثناء الكلام أخبره بقصة عمل أخوه ايتاشي كجاسوس بين القريتين وأخبره انه ما في أحد يعرف هذا الشي الا أناس معينين ومنهم دانزو ... وهذا الشي يخليك تفكر شوية انه .... دانزو شخصية قديمة وكبيرة في السن كونه عاشر الهوكاجي الثالث وهانزوا وهذا الأمر يخليك تقطع الشك انك تقول انه مادرا له علاقة أصلاً بدانزو لان كل واحد منهم مستقل بتفكيره وكل واحد له هدفه والدليل على كلامي هذا شوف هذا الشابتر





وهذا الشابتر يوضح بعض الكلام اللي قلته فوق وأرجع مرة ثانية لحديثي ...
لمن جلس توبي يحكي قصته لساسكي علشان يحاول انه يخليه معاه ويقدر يوصل هدفه طبعاً باستغلال الأخرين ...
واثناء الحديث حاول انه يكشف وجهه لساسكي ولمن فتح وجهه

يتبع

شكرا على التقرير الرائع
ونحن بأنتضار موضوع المكمل
تحياتي لك وتقبل مروري

رائع شكرا يا مبدع

شكرا شكرا

شكرا لك أخي

بارك اله فيك

عم ننتظر جديدك

واصل ابداعك

تقبل مروري